Boarischs Wiki
Advertisement

Dεr Tirgg isch a Weil nåch dεr Entdéckung va Amerika nåch Mittleurópa kémmen. ’s gip viele Sórtn. Er isch a Grås (Poaceae) unt a Getroad, wert je nåch Sórte pis ibεr 2 Metεr hoach unt håt pa die Plua die Mandlen unt Weibelen extra; die Mandlen sein gånz óbm afn Gipfl.

Die Kólbm hoaßt man in Sidtiról in a toal Órte Tschurtschn; sie håbm an Pårt (Griffel) unt Tschilln (Hüllblätter). Die Kern kånn man zu Mehl vεrmåhln unt draus z.B. Plént måchn. Tirgg wert aa als Viechfuatεr vεrwéndet.

In Éschtreich gip’s die dialektaln Pezeichungen Kukuruz, Tirkischεr Woaz unt Welschkorn.

Advertisement