Boarischs Wiki
Advertisement
Pfeil rechts Der Artikel is im Dialekt Flochgaurisch gschriem wórn Pfeil links
Tanganjika Bikékóbf
Cyphotilapia frontosa
(Fryer, 1956)
Systemaatik
Unterordnung: Lippfieschoartige (Labroidei)
Famij: Buntschrotzner (Chiclidae)
Unterfamij: Pseudocrenilabrinae
Tribus: Cyphotilapiini
Gottung: Cyphotilapia
Oart: Tanganjika Binkékóbf
Bijdelgalarie
A Tanganjika Binkékóbf
Auhsicht vahram T

Da Tanganjika Binké- óder Dywékóbf (Deitsch: Tanganjika Beulenkopf, wiss. N.: Cyphotilapia frontosa) is a grósser Buntbarsch, der endémisch im Tanganjikasee ywerm Fejsgrund leeb'. Dé bis za 35 Zantimeeter launger Schrotzen bevurzung a Tiaff zwischer zwoanzk und fuchzk Meeter. Da Binké am Scheedel sóid ban Manderl sterker ausprägg seih wia ban Weiwerl. D' Aussog is ower a' oahschlägige Forn eher umstritten. D' Weiwerl haum derertweng a kyrzerne Bauchflóssen. A' da seinig Hoamad is da Cyphotilapia frontosa a Speisefiesch.

A' da Aquaristik[]

Oigmoah[]

Dé C. frontosa hand ruige Schwimmer. Im Aquarium sóid a Gruppm vah oam Manderl mid mererne Weiwerl pfleegg wern, wei dodurch unnédige Aggressióner im Aquarium vamien wern. As Aquarium sóidad néd z' stork beleichtt sah, wei d' Fiesch an natyrlichen Leemsraum ehernter a' gresserne Tiaffm virkemmernd. Im Taunk reichen Stoahafbauten (Fejsaquarium) as Lóchstoaner bzw. sóin a' dé Stoahafbauten gnua Hejner virkemmer bzw. gnua Fluchtweeg za da Vafiagung steh, damid kleanerne bzw. schwächerne óder junge Fiesch vur d' aundern greessern bzw. aggressiavern Schrotzen flychten kennernd. Dé Schrotzner braucher an dunklern Bóngrund, entsprechend noch eanerm natyrlichen Vabreitungsgebiat. Pflaunzner hand an Aquarium néd nédig und deanern netter glei za Dekorazión. Anubias (Zwergspeerblaal), Valisneria bzw. Pflaunzner dé recht dicke Blaal haum, biaten sé do auh.

Ywersichtsdaaten[]

  • Aquarium: 800 l: Témpratur: 24 - 27 °C, ø25 °C, pH-Wert: 7.5 - 8.3, ø8.0, Loatfähigkeid: 560 µS/cm, Gsaumthärten: 12 °DH
  • Haundelsnaum: Frontosa, Tanganjika-Beulenkopf
  • Fundortt: a' da nerdlichen Seehejften vabroatt
  • Habitat: Fejs
  • Gréss: 30 cm
  • Norung: Kreebs, Fiesch
  • Furtpflaunzung: maternoier Majbriater

Vagsejschoftung[]

Aunderne Hejnbriater as da Gottung Altolamprologus und Neolamprologus kennernd guad an Aquarium mid eaner vagsejschoft wern. Ba aner guaden Pfleeg kennernd dé Fiesch merer ois wia 25 zantimeeter gróss wern. Da Gottung Cyphotilapia is nóh a weiderne Oart auhgherig (C. gibberosa Takahashi & Nakaya, 2003).

Ad moasten Aquarien hand d' Fiesch gmoahsaum mid d' Malawi-Buntbarsch wia z. Bsp. d' Mbuna z' finden. A Vagsejschoftung vah dé is zwor méglich, waunn unter d' Malawi-Buntschrotzner eher friadlicherne Oarten an Aquarium virkemmernd, ower néd rootsaum, wei d' Fiesch an natyrlichen Leemsraum néd midnaunder in Konktakt kemmernd bzw. an Vahoiten „Kómmunikaziónsschwierigkeiden“ aftreeden kennernd.

Fuadermittel[]

D' Schrotzner fressen sówói leewendigs- óis wiaraa Tróckenfuadermittel. An Fochhaundel gibs seid oaniger Zeid a speziejs Schrotzenfuadermittel wia Cichlidenstangerl, Cichlidenflóckenfuader, Tabletten ect. Leewendfuadermittel hand z. Bsp. Artemia, Bochflóssenkreebs und Garnejn.

Furtpflaunzung[]

D' Binkékébf han Majbriater. 's Weiwerl nimmb d' epper 50 Oa as Maj (Muaderfamij) und bwocht aa d' junger Fiesch bis za séx Wóchern noch'm Schlupfer.

Nétzseiten[]

Advertisement