Boarischs Wiki
Advertisement
Pfeil rechts Der Artikel is im Dialekt Soizburgarisch gschriem wórn Pfeil links
Lac de Sainte-Croix
Lac de Santa Crotz
1471551599911
Daaten
Loog: Fránkreich,
Alpes-de-Haute-Provence
und Var
Geograafische Loog: 43°46′N, 6°11′E
Gress: 21,8 km²
Vossungsvaméeng: 761 Milliónen m³
max. Tiaffen: ca. 90 m
Zuefliss: Verdon
Obfliss: Verdon
Ortt in da Naahernt: Bauduen, Aiguines
Les Salles-sur-Verdon
Sainte-Croix-de-Verdon
Riez (12 km),
Moustiers-Sainte-Marie (8 km)
Óart: Stausee
Büedelgallarie
20160829 090323-COLLAGE
Frankreich 2016 487

Da Sainte-Croix-See (Frånzésisch: Lac de Sainte-Croix, Ókzitanisch Lac de Santa-Crotz, Bóarisch iwersétzd: Heiligkreizsee) is a Stausee in Fránkreich, der a' da Grenz vah d' Departements Alpes-de-Haute-Provence und Var gleeng is.

D' Afstauung vam Verdon is ob 1973 dafóigg, wóbei da im söwing Jór 1971 befindliche Sainte-Croix-Staudámm érscht 1974 férdig gstöd wórn is. Da Stausee bedéggt ebber a Flächen vah 21,8 km² ba'ner maximoin Tiaff vah guede 90 Meeter und bis zue'ram Wosserinhoid vah ebber 761 Milliónen m³. Er is noch'm Lac de Serre-Ponçon da zwóatgreessde Stausee vah Fránkreich.

Afgrund vam Aufbau vah da Staumauer bzw. da Afstauung vam See, is a Dérfal (Les Salles-sur-Verdon) iwerflutt wórn, dés 400 Meeter vam oiden Dérfé wieder aufbaud wórn is. Ban Afstaun is aa'ra históarische rémische Brugg im Stausee vasunker, dé mid naj Béeng 'n Verdon iwersbánnd hod.

Da Stausee, der vuroim zue da Énergiedazeigung und Wosservasurgung gnitzd wérd, is a beliabts tueristischs Züe. Booden und Sérffen is dalaabt, eemsó 's Befórn mid Seegel- und Elektróbóoten. An Summer daglángs Wosser im See ángenéeme Boodetémparatuen. D' Strénd am See han hauptsächlich Kias- óder stóanige Naturstrénd.

Da Zuefluss Verdon durchfliasst znaagst óane váh d' tiaffsten Schluchten váh Eirópa, d' Verdonschlucht, bevuera am westlichen Énd unmittelbór in See einé fliasst.

Im Internet[]

Advertisement