Boarischs Wiki
Advertisement


Dεr 1767 af Rittn pa Poazn gepórne Peatεr Mayr wert untεr die Heldn va 1809 aufzéhlt. In die Franzósnkriag håt εr a wichtige Posizión ghåp; er isch pa mehrεre Kåmpfhåndlungen peteiligg gwésn.

Nåch dεr Niedεrlåg va die Tirólεr gégn die Franzósn unt Poarn håt εr sich pa Feltdthurns in Eisåcktål vεrstéckt, isch åbεr vεrråtn gwórtn. Dεr Peatεr Mayr håt finf Kindεr ghåp. Sei Frau, die Maria, håt gégnen Tódesurteil erfólgreich Peruafung einglégg. Só håt dεr Peatεr die Méglichkeit kriagg, durch a Fålschaussåg sich as Lébm zu dεrhåltn; er hétt gmiaßt sågn, dass εr as Vεrpót va die Franzósn, Wåffn zu trågn, nét kénnt håt. Er håt sich åbεr gweigεrt zu liagn unt só isch εr in gleichn Tåg wia dεr Andre Hófεr, in 20. Febrar 1810, in Griaß pa Poazn dεrschóssn gwórtn.

Er isch in dεr Tirólεr Geschichte eingången als där Held, där sich nét mit a Liag as Lébm håt kaafn gwéllt. Déswégn wert er aa in dεr kathólischn Kirch als Vórpilt gségn. Pan Dom va Poazn steat a Dénkmål firn Peatr Mayr. In Sidtiról sein mindigschtns zwoa Stråßn nåch ihm penånnt.

Der Mayr håt pa Prixn a Gåschthaus ghåp. Déswégn isch er aa unter der Pezeichnung „Peter Mayr - Wirt an der Mahr“ pekånnt.

Zu lésn[]

  • Joseph Psenner: Peter Mayr, Wirt an der Mahr - Ein Held von anno 1809; Oagnvεrlåg van Poaznεr Museum, Poazn 1892.

  • Peter Rosegger: Der Wirt an der Mahr; Hartleben, Wean 1891.

 

Advertisement