|
Der Artikel is im Dialekt Pongaurisch gschriem wórn | 
|
| Oipmdorf Katastroigmoand Plankenau Stoudgmoand Seiger Hons an Pongau | |
| D A A T E N | |
|---|---|
| Bundeslånd: | Soizburg |
| Bezirk: | Pongau (JO) |
| Ortsteil voh: | KG Plankenau, Seiger Hons an Pongau |
| Heechen: | 800 m y. A. |
| Eihwóner: | |
| Póstlaatzoi : | 5600 |
| Vurwoi : | 06412 |
| Gmoahvawoitung: | Gemeindeamt Hauptstraße 18 5600 St. Johann i. Pg. |
| Nétzseiten: | |
| P Ó L I T I K | |
| Burgermaaster: | Mitterrer Gynther (Mitterer Günther) (ÖVP) |
Oipmdorf (aa Oipmderfé, Oipmderfai, Deitsch: Alpendorf) is a Stoudtoaé vah Seiger Hons i. Pg. und gherscht za da Katastroigmoah Plankenau. Es befindt se eppern drói Kilómeeter vam Stoudzentrum entfernd in Richtung Gróssourl auf guade 800 m y. A. am Fuass vam Gernkógé (1787 m i. A.). As Oipmderfé is ad 1970er Jour - aufgrund vah da turistischen Wichtigkeid aufbaud wourn und bsteed heid hauptsächlich aus Hótejs mid zan gressden Toaé ghomner Kategorie, mid ywer 1.900 Gästebettner und a pour Oahfamilienhaiser an Óweroipmderfé, dés sé a Stickai weider ówerhoib vam Oipmderfé befindt.
Fyr Turisten wernd Freizeideihrichtunger sówia Sporschtméglichkeiten wia zan Beispij a Kinderspijbloutz mid am Streichézóo, a Riasenrutsch, Moiwänd, a Go-Cart-Bóh, a Riasensprungmatten, Poneyreiten, a Tennishoin und -blétz sówia Mountainbiken ohbóten. Weiderne Ausflugszij in da Nachernt vam Oipmderfé sand dia Liachtenstoahklomm, as Schaubergwerk Arthurstóin, as Schaubergwerk Sunnpau (Seiger Veit), as Daleebnisboud Wosserwejd Amadè in Wougroa, sowia d'Thermen im Gaschtoaner Toi und as Gróssourltoi, wó ma decht in da Summersaison ower speziej im Hijrest[1] Aimern[2] geeh koh. D' Oipmdorf-Bergbóhner daschliassend as greessde Wintersporschtgebiat an Bundeslond Soizburg (d' Soizburger Sporschtwejd Amadè) an Winter mid zoireiche Lift und Gondeln.