Boarischs Wiki
Advertisement
Pfeil rechts Der Artikel is im Dialekt Obaboarisch (Oiing) gschriem wórn Pfeil links
Moasa
D' Moasa bei Moasa, Flkm ca. 14.

D' Moasa bei Moasa, Flkm ca. 14.

Datn
Log Oberbayern
Läng 35.95
Quäin bei Mooraweis-Hohnzoi
Häh vo da Quäin 590
Mindung bei Dachau-Mitterndorf in d'Amper
Häh vo da Mindung 482
Eizugsgebiet 204

D' Moasa is a rund segsadreisk Kilometta longa Zuafluß vo da Ampa. Se gäht durch de Landkroas Fiarschtnfoidbruck und Dachau. Nåchm Fluß is aa de Gmoa Moasa benannt worn.

Flußvalaff[]

Da Moasa ihre Quoin befindt se sidle vo Hohenzoi (Ortstoi von Mooraweis) an da Straß de auf Tirknfoid gäht. Zerschd fliaßd's nach Nordn und stroaft Mooraweis und Groatshof. Nacha laffts an Mammadarf vorbei und spaada durch Iberåcka. Vo do fliaßts weida auf Begkircha und na auf Dachau wo's in de Ampa mündt.

Zuafliss[]

Durch'n Zuafluß vom Moosgrom bei Albertshofn (Mooraweis) werd de Moasa scho a Stickl breata. Da gresste Zuafluß von da Moasa is da Erlboch ausm Wuidmoos bei Jesnwang. Da Erlboch fliaßt na bei Mammadarf in d'Moasa. Weitre Zuafliss san da Bussboch (weschtli vo Mammadarf), da Weiherboch, Lappach und Rottboch bei Iberåcka.

Sprochgschichtlichs iwan Nama Moasa[]

Moasa is erschdmois 853 ois Meisaha schriftle nidagschrim worn. As oidhoachdaitsche Wort aha hoaßt "Wossa, Wossalaf, Fluß" und Meisa hoaßt "Meise". Demnoch kannt Meisaha Meisnfluß bedeit ham. [1]

Fauna[]

Seit 2004 hot se am Fluß wieda da Biiwa ogsiedlt. Vabissspurn, wia ma's vo Biiwa her kennt, hot ma scho 1990 owahoib vom Saagwerk Wecker z'Mammadarf feschdgschdoid.

Literatur[]

  • Paul-Eckard Salzmann: Geologie und Geographie. In: Hejo Busley, Toni Drexler, Carl A. Hoffmann, Paul-E. Salzmann, Klaus Wollenberg: Landkreis Fürstenfeldbruck. Natur – Geschichte – Kultur. 1992, ISBN 3980318907, S. 31

Im Netz[]

Oanzlnochweis[]

  1. Wolf-Armin von Reitzenstein: Lexikon bayerischer Ortsnamen: Herkunft und Bedeutung. Oberbayern, Niederbayern, Oberpfalz. C.H. Beck Verlag, München 2006, ISBN 978-3406552069, S. 158
Der Artikel do basiad aufara frain Iwersétzung vam sejm Artikel a' da Wikipedia auf deitsch.
A Listen mid dé durting Autórn kåst durten åschauh.
Advertisement