Boarischs Wiki
Advertisement


Die Lombardei (italienisch: Lombardia, lombardisch: Lumbardia / Lombardéa) isch einwóhnεrméßig (10.000.000 in Jåhr 2012) die zwoatgreschte Región va Italien unt mit ca. 21.000 km² guat a Drittl só groaß wia Payεrn.

Geografie[]

Sie ligg in Nórditalien unt grénzt mit dεr Schweiz unt in Nórdóschtn mitn poarischn Språchraum (Sidtiról). Die Haupstådt isch Mailånt (lombardisch: Milan). In Nórdn va dεr Región sein die Ålpm, weitεr untn isch die Pó-Ébm, dεr Sidzipfl glångg pis zun Apennin åi. S gip a påår groaße Sea unt viel Fliss, einschliaßlich in Po. Die Lombardei isch in 12 Provinzn auftoalt.

Hischtórisches[]

Durch die Felszeichnungen in dεr Val Camonica isch s eisnzeitliche Vólk va die Camunni in dεr Región nåchweispår. Mån woaß nét, wås fra Språch die grét håm. Spétεr sein die Etruschkεr, dεrnåch die Keltn unt ca. 200 v. Chr. die Rémεr. In dεr weitεrn Gschicht spieln die Langobardn a wichtige Róll; va ihmene håt die Región in Nåmen. Vεrschiedne Vélkεr håm sich dεrnåch um dés Gepiat grissn. In Jåhr 1861 isches va die Habspurgεr af Italien ibεrgången. Die Lombardn sein stólz af dεr Eisεrnen Krón va die Langobardnkinig, dé zun Dómschåtz va Monza gheart.

Språch[]

In dεr Lombardei rédt man in lombardischn Dialekt (Lumbard). Es sein åbεr aa viel Siditalienεr zem, dé åndεrsch rédn; s gleiche giltet aa fir die vieln Ausléndεr.

Quelln []

* Lombardische wikipedia unt åndre Quelln

Advertisement