Boarischs Wiki
Advertisement


S Vólk[]

Die Langobardn sein a germanisches Vólk, dés språchlich éng mit die Pajuwarn vεrwåndt isch. Sóweit man’s zruggvεrfólgn kann, ståmmen sie aus dεr Gégnt va dεr untεrn Elbe. Spétεr sein sie in pannonischn Raum gwésn, wó sie an Sieg ibεr die Rugier errungen håm. Mit die Gepidn håm sie aa ålm wiedεr zu streitn ghåp. Mitn Óschtrémischn Reich sein sie mehr oder weaniger guat auskémmen.

Pålt amål åftern Untergång va die Óschtgótn in Italien sein die Langobardn in Jåhr 568 einmarschiεrt unt håm ihr Reich mit dεr Haupstådt Pavia augrichtet. Sie håm groaße Toale va dεr Hålbinsl in ihre Hént ghåp. Aa dεr Sidn van haiting Sidtiról isch petróffn gwésn.

Die groaßn Zeitn sein in 8. Jåhrhundεrt gwésn. 774 sein sie va die Frånkn (Karl dεr Groaße) untεrwórfn gwórtn. Die léschtn Langobardn håm sich in Benevent pis zun 11. Jåhrhundεrt ghåltn. Sie sein va die Normannen entmåchtet gwórtn. Die haitige Región Lombardei in Italien isch nåch die Langobardn penånnt.

Die Språchwissnschåftlεr ségn in Ursprung van a påår italienische Wértεr in dεr langobardischn Språch, z.B. ital. scherzare (scherzen) va langobardisch skerzan.

Wichtige Kinig[]

* Tato (um 500)

* Wacho (Ånfång 6. Jahrhundεrt)

* Audoin (Mitte 5. Jåhrhundεrt)

* Alboin (2. Hälfte van 6. Jåhrhundεrt)

* Agilulf Ewin (um 600)

* Rothari (1. Hälfte van 7. Jåhrhundεrt)

* Aripert I. (åp 652)

* Perctarit (2. Hälfte van 7. Jåhrhundεrt)

* Cunincpert (um 700)

* Liutprand (1. Hälfte van 8. Jåhrhundεrt)

* Aistulf (Mitte 8. Jåhrhundεrt)

* Desiderius (2. Hälfte van 8. Jåhrhundεrt)

Advertisement