Boarischs Wiki
Advertisement


Lébm unt Werk[]

Dεr Jakob Stainer isch a Tirólεr Geignpauεr mit intεrnazionaln Ruaf gwésn. Gepórn isch εr um 1620 in Absam, in gleichn Órt in Jåhr 1683. Sei Våtεr håt in Pergpau gårbetet.

Er wert óft als dεr greschte Geignpauεr außεrhålb va Italien pezeichnt. Seine Årbeitn sein tåtsächlich zun Toal heachεr eingschätzt gwórtn wia dé va die groaßn walschn Moaschtεr. Er håt Inschtruménte pis zun spanischn Kénigshóf vεrkaaft.

In seinεr Jugnt isch’r, wia’s zem Prauch gwésn isch, af Wåndεrschåft gwésn unt håt sei Håntwerk wåhrscheinlich in Italien glernt (pa die Amati in Cremona?). Seine Inschtruménte sein éhnlich paut wia dé va dεr Cremonesεr Schual.

1645 håt εr in Absam die Margareta Holzhammer, die Tóchtεr van an guatsteahnetn Pergmoaschtεr gheiratet. Ångéblich håt εr ketzεrische Piachεr ghåp unt isch déswégn mit dεr Kirch in Konflikt kémmen. A påår Mónat lång isch εr in Lóch (Gefängnis) gwésn. Ob die geischtige Umnåchtung vór sein Lébmsént an Erfindung va seine Gégnεr isch, lasst sich wóhl nimmεr genau sågn.

Links[]

Advertisement