Boarischs Wiki
Advertisement

Hans Fink, gepórn 1912 in Prixn, unt zem 2003 gstórm, isch a Sidtirólεr Vólkskundlεr unt Dialektfórschεr.

Er isch a Suhn van an Gåschtwirt unt håt Métzgεr glernt. As italienische Gymnasium håt’r mit Erfólg psuacht, isch isch a Weil in Kriagsgfångenschåft gwésn, håt 1939 die Frieda Pörnbacher ausn Puschtεrtål gheiratet unt mit ihr viεr Kindεr ghåp.

Er isch viel mit seine Låndslait in Kontakt gwésn, wås ihm Stóff fir seine Årbetn gliefεrt håt. In Jåhr 1955 håt εr in Menhir va Tötschling entdéckt. Pekånnte Årbetn va ihm sein die Eisacktaler Sagen, Bräuche und Ausdrücke, Verzaubertes Land - Volkskult und Ahnenbrauch in Südtirol. Er håt a Muntårtwértεrpuach gschriem als Ergénzung zun „Wörterbuch der Tiroler Mundarten“ van Josef Schatz. Weitεrs håt εr Gedichtlen unt Gschichtn gschriebm unt aa viele Radioséndungen gståltet.

Fir seine Leischtungen isch εr a påår Mål geehrt gwórtn, z.B. mitn Walther-von-der-Vogelweide-Preis.

Quelln[]

  • Dolomiten - Tagblatt der Südtiroler 24. Okt. 2012
  • de.wikipedia.org
Advertisement