Boarischs Wiki
Registrieren
Advertisement
Pfeil rechts Der Artikel is im Dialekt Soizachtoipongaurisch gschriem wórn Pfeil links
Góidégg an Póngau
Bild
Wappen von Góidégg an Póngau
Góidégg an Póngau
Ésterreichkórschten, Pósizión vah Góidégg an Póngau hervurghóom
Baasisdaaten
Bundeslond: Soizburg
Pólitischer Bezirk: Seiger Hóns an Póngau (Póngau) (JO)
Flächen: 33,1 km²
Hejchen: 825 m i. A.
Eihwóoner: 2446 (1. Jan. 2011)
Bevéjkarungsdichten: 74 Eihwóoner pró km²
Póstloatzoi: 5622
Vurwoi: 06415
Gmóandkénnziffer: 50 410
Gmóandvawoitung: Hofmark 18
5622 Goldegg/Pg.
Webseiten:
Pólitik
Burgermóaster: Mayr Hons
(Mayr Johann) (ÖVP)
Gmóahráut: (2004)
3 SPÖ, 9 ÖVP, 1 FPÖ, 4 BIG
D' Loug vah da Gmoand Góidégg im Póngau
D' Loug vah da Gmoand Góidégg im Póngau

Góidégg an Póngau (Deitsch: Goldegg im Pongau, Kurschzform: Goldegg/Pg.), aa dia "Perle vam Póngau" gnennt, is a Gmoah an Soizburger Lond an Pongau in Ésterreich mid 2.446 Eihwóner (Stond: 1. Jénner 2011). 's Derfai liagg direkt am Góidéger See, am kloan Moarsee.

Geograafie[]

Góidégg liagg auf am Sunnplató auf 825 m. ywern Meer und is dia Grenzgmoah zan Pinzgau. Vah Góidégg aus fliassend zwee greesserne Bachai in d' Soizach. Zan Oan da Sejbouch (Arzenbouch) und zan Onnern da Wengerbouch der aa durch 'n Puzengroum und durch Schwoschzach fliasst. Bekonnt is Góidégg bsunderscht durch seine zwó Seen, 'n moarhoiting Góidégger See (Goldegger See) und am Béndlsee (Böndlsee), aa Scheiwlingsee (Scheiblingsee) gnennt.

Katastroigmoanden[]

Góidégg bsteet aus fóigerschte Ortschoften und Ortstoaé:

  • Oidenhof (Altenhof) wai dou friara da oide Hof, de oide Buag gwein is
  • Bón (Boden)
  • Buachberg (Buchberg) sejg is da Hausberg
  • Enkerbiché (Enkerbichl)
  • Hasling (Hasling) bnonnt nouch 'm Hasling Guat
  • Hofmork (Hofmark) is da Bereich umers Schlóss
  • Moarhof (Maierhof) bnonnt nouch 'm Moarhof Guat
  • Moarch (March) bnonnt nouchm Moarch Guat
  • Mitterstoah (Mitterstein)
  • Ówerhóf (Oberhof) bnonnt nouch 'm Ówerhóf Guat
  • Schottau (Schattau) bnonnt nouch 'm Schottau Guat
  • Góidéggwéng (Goldeggweng)

Nochbargmoanden[]

Góidégg grenzt an fóigerschte Gmoaner óné:

Deanten a. Hkg. Miebouch a. Hkg. Seiger Veit a. Pg.
Touxenbouch a. Pzg. Compass card (de) Schwoschzoch a. Pg.
Lénd a. Pzg. Seiger Veit a. Pg. Seiger Veit a. Pg.

Wouppm[]

's Wouppm vah da Gmoah is: „In an róden Fejdel a góiderne Écken (Spitzen), blégg mid am róden Lindwurmkópf und boaderseits begleitt vah je oaner góidernen Króne.“

Ursprynglich is as Woppm netter aus d' róden Segmentt und 'm góidforwernen Stickai bstonden. Da Lindwurm und d' Króne stommernd vam Woppm vah da ausgstorwernen Familie Schernberg, dia Toaé sand erscht durch d' Groufm ins Woppm integrirscht wourn.

Torismus[]

In Góidégg gibbs vier Liftt, dia bsunderscht gern vah Familien mid Kinder bsuacht wernd, weih dia Pistner nid gour z' sticki sand. Unterondrem houd Góidégg aa an 18-Lóch Góifbloutz.

Sejchenswerschts[]

  • Schlóss Góidégg
  • Góidégger See
  • Béndlsee
  • Góifbloutz
  • Drói Buachen (Naturdenkmoi)

Nétzseiten[]

Advertisement