Boarischs Wiki
Advertisement


Lébm[]

Dεr Komponischt unt Séngεr Oswalt va Wolknstoan (Oswald von Wolkenstein) isch in Sidtiról gepórn, wåhrscheinlich in Puschtεrtål um 1377. Mit zéhn Jåhr isch εr va dεrhoam wék und in viele Léndεr va Európa manåndεrkémmen, in Ånfang wåhrscheinlich in Pegleitung van an Erwåxenen. Er håt nåch oagnεr Aussåg zéhn Språchn grédt.

Weitεrs er isch aa Diplomat gwésn unt in Deanscht van Kinig (Kaisεr) Sigismunt. In sein Umfelt håt’s viel Streit gébm unt er håt wóhl aa nét seltn selbεr dεrzua Ånlåss gébm. A Weil isch’r aa in Gféngnis ghuckt. Mit seinεr Frau Margarethe von Schwangau vεrheiratet håt er mehrεre Kindεr ghåp. No in 21. Jåhrhundεrt håt εr direkte Nåchfåhrn.

Als Textschreibεr håt εr Pedeitung fir dεr Literatur in seinεr Zeit, als Komponischt isch εr aa außεrgwéhnlich. Er håt ibεr seine Roasn, ibεr dεr Liab, ibεrn Trinken unt aa ibεr Politik gsungen, gégn Ènde va sein Lébm håt εr aa religiése Texte ghåp. Er isch 1445 in Meran gschtórm unt håt ca. 130 Liadεr hintεrlåssn. Sei Gråbstoan isch hait nó nébmen Dóm va Brixn. Er wert normalεrweis mit oan Aug dårgstéllt.

Literatur[]

  • Burghart Wachinger: Oswald von Wolkenstein: Lieder; Reclam 1964
  • Dieter Kuhn: Ich, Wolkenstein - Eine Biographie; Frankfurt am Main, 1996.
  • Eduard Widmoser: Südtirol A bis Z; Südtirol Verlag Herbert Neuner, Innsbruck / München

Link[]

Advertisement